عرفی — دردانۀ وجودی شهر شهیر شیرازده صورتبند صدف
مهد اعزاز و اوازۀ فضل و هنری اقطار جهانه ولوله انداز اولمش بر شاعر
بلاغت مأثر شیرین ادا و بر ادیب ماهر معجزنوا ایكن سماعاً مغلوب عشقی
اولدیغی اكبر شاه مخدومی شهزاده سلیمی مشاهده سوداسیله (١٥٨٩ م و ٩٩٨ ه) تاریخنده جانب هنده بالعزیمە شاه مشار الیهك پایتختی اولان لاهوره مواصلت
و میدان شعر و دانشوریده خواجه حكیم ثنایی و فیض هندی كبی بتون
هندسنانجه ملك الشعرا نامنی المش اولان ذوات مشار بالبنانی دوچار عجز
و حیرت ایلدی مع هذا اوزمان مرعی بر قاعده موجبنجه هند اكابر زاده
یعنی پسرلری مقل تعبیر ایتدكلری عجم یاخود شعرا كروهندن برر كمسه ایله
معاشقه مجبوریتنده بولنوب حتی عاشقسز قلان بر چوجق پدر و مادری
نظرلرندن دخی دوشمكدن ایدوكندن بو سایه+ده عرفی هم معشوقی شهزاده سلیم
و هم ده پدری شاه اكبر نزدنده نائل توجهات فوق العاده اوله+رق شایان غبطه
بركون كچورمكده ایدی فقط (هیج فلك عاشقه امانمی ویرر) مصراعی
مدلولنجه عاقبت كلشن عشق و محبتلری پژمردۀ باد سموم قهر و محنت اولدی
شویله كه مومی الیه فیضی عرفینك هنده ورودی سببیله بر طرفدن صیت
شاعریسنی و دیكر طرفدن دە شاه و شهزاده+یه قارشو حائز اولدیغی مقام و اعتبارینی
غیب ایتدیكندن بر كون فرصتنی بولوب بیچاره عرفی+یی تسمیم ایلدی شهزاده
ایسه عاشقنك بویله بر حال حزن اشتماله ابتلاسندن بشقه دنیاده بیوك بر كوتولك
تصور ایده+مدیكندن امان زمان ویرمیەرك همان جان مومی الیهی اعدام
ایله اخذ انتقام ایلدی عرفی مرحومك یتمش بر عدد بیتدن عبارت
اوله+رق حالت نزعنده سویلدیكی قصیدۀ رقت افزادندر
رقتم ای غم زدر عمر شتابان رقتم * هان شتاب ازطلبی هست زمن هان رقتم
مشتاب ای غم دنیاكه بكردم نرسی * مكن ازدور و داعم كه شتابان رقت
مومی الیه فیضئ هندی دخی افاضل شعرای بلاغتپیرادن اولوب یازمش
اولدیغی بونجه آثار نادره+دن ماعدا اون ایكی بیك بیتدن عبارت نقطه+سز
بر تفسیر دلپذیر تألیف ایلدیكی مرویات مووقه+دندر