عراق عجم — ایران دولتی اداره+سنده بر قطعۀ جسیمه+در
شرقاً كوهستان غرباً لوزستان و كردستان شمالاً تبریز و كیلان جنوباً كرمان
و فارسستان ایله تحدید اولور ٩٠٠ طول و ٤٠٠ كیلومترو عرضی و ایكی
ملیون نفوسی اولوب مقر حكومتی طهران و باشلیجه شهرلری اصفهان و كاشان
و كاسیین و سلطانیه و همداندر
بو قطعه موقعاً غایت مرتفع و سنكستان اوله+رق الوند دماوند و البرز طاغلرینك
متعدد شعبه+لرندن كچیلور و شعب مذكور بیننده امتداد ایتمش بر طاقم قومسال
و واسع صحرالر واردركه بو نواحی+یی اسقا و اروا ایدن صومجرالرینك اكثریسی
اورالرده محو و نابدید اولور اراضیسی كلیت اوزره منبت اولوب هواسی
ایسه صیجاغك اك شدتلی زماننه تصادف ایدن ایكی آیی مستثنا اولمق اوزره
صاغلام و معتدلدر برچوق مواشی و دوەسی وغایت نفیس اتلری و سختیان
جام و فغفوره دائر رواجلی صنعتلری واردر بو قطعه قدیم مدیانك قسم
اعظمنی شامل ایدی