لغات تاریخیه و جغرافیه

Lugat-ı Tarihiyye ve Coğrafiyye

عدن

'Aden

عدن — باب المندب خارجنده و آسیا ساحلنده بر كوزل لیماندر مقدما پك مهم بر نقطه ایكن امید برونی طریقنك كشفندن برو اهمیتنی غیب ایتمش و حاوی اولدیغی اوتوز بیك نفوسدن شمدی انجق ایكی بیكی قالمشدر (۱۸۳۹ م و ۱۲۵۵ ه) تاریخنده اشبو لیمانی انكلیزلر ضبط و تحكیم ایلدیلر بوراسی اوته+دنبرو یمن اداره+سنده اولوب حكومت امامیۀ زیدیه زماننده یعنی (۱۵۶۸ م و ۹۷۶ ه) تاریخنده خیرالدین قپودان طرفندن بر مدت محاصره و ایكنجی دفعه اوله+رق دولت علیه نامنه ضبط اولنمش و اولوقت عدن امیری قاسمك دعوتی اوزرینه پورتكیزلر امداده كلمشیدی