احمد خان ثالث — دولت عثمانیه+ده یكرمی اوچنجی پادشاهدر
و سلطان محمد رابع حضرتلرینك اوغلی و سلطان مصطفی خان ثالث حضرتلرینك
پدریدر و ولادتی (١٦٧٢ م و ١٠٨٣ ه) و جلوسی (١٧٠٣ م و ١١١٥ ه))
و استعفاسی (١٧٣٠ م و ١١٤٣ ه) تاریخنده+در. مشار الیه حضرتلری
تاریخ مذكورده ادرنه وقعه+سی عقیبنده تخته جلوس ایتدكدنصكره قریملیلر
روسیه ایمپراطوری بیوك پترونك مغایر عهد حركاتندن و قریمه تسلطندن
شكایت ایتدكلری حالده باب عالی بر شافی جواب ویره+مدی و اسوچ قرالی
) قارلوس) پولتاوده روسیه+یه مغلوب اوله+رق اوزی والیسی یوسف پاشایه
التجا ایلدیكندن قبول و درت سنه اوراده مسافر ایدلدی ومومی الیهك
تشویقیله روسیه+یه اعلان حرب اولنوب (١٧١١ م و ١١٢٣ ه) تاریخنده
بالطه+جی محمد پاشا روسیه ایمپراطورینی اوردوسیله برابر محاصره ایتدی
و ایمپراطورك امید خلاصی منقطع اولدیغی حالده وقوعبولان استرحامنه بناء
بعض شرائطله سبیلی تخلیه اولندیغندن بر بیوك فرصت قاچیرلدی و موره
وندیكلولردن حرباً آلندی و مصرده كولمنلر بربرلری علیهمنه اختلال
چیقاروب غلبه ایدن طرف والی یی طرد ایلدی و سوریه و جده و حبش
ولایاتی والیلكنی زوربالقله آلمش اولان نصوح پاشا و بوراوقده ادبسزلكه
قالقیشان ملتجی عباس غائله+لری حرباً بتورلدی و صدر اعظم دامادعلی پاشا
مشهور (قارلویح) محاربه+سنی غیب ایدرك كلی تلفات ویردی و ایران
دولتندن برقاچ مملكت و قلعه آلندیسه ده عجملرینه استرداد ایلدی و درسعادتده
) پاطورنه و موصلی وقعه+سی ظهوره كله+رك صدراعظم داماد ابراهیم پاشا
اعدام و زوربا یكیچریلره تسلیم اولندقدن صكره سلطان احمد خان حضرتلری
دخی استعفا و انزوایه مجبور اولدی. التی آی صكره دار بقایه ارتحال
بییورمشدر. (ابراهیم پاشایه دخی نظر بیوریله