عثمان پاشا — دولت علیه+ده مسند صدارت عظمای احراز
ایدن ذواتك مشهورلرندن اولوب طوپال عثمان پاشا دینمكله معروف ایدی (١٧١٥ م
و ١١٢٨ ه) تاریخنده موره محاربه+سنده شهرت بولوب اون التی سنه
صكره مسند صدارته واصل اولدقده بر مهارت كامله ایله مأموریتنی حسن
اداره+یه مباشرت و آوروپا ضوابط و نظامات عسكریه+سنی ممالك عثمانیه+یه دخی
ادخاله سعی و غیرت ایلدی و خارجاً نادر شاه اوزرینه كسب ایدیلان قوریجان
مظفریتی و تبریز ایله همدانك ضبطی و عجم كورجستاننی دولت علیه+یه اعطا
ایدن قاسبین مصالحه+سی دخی بشقه+جه مسند صدارتنی شهرتلندیردی
و (١٧٣٢ م و ١١٤٥ ه) تاریخنده والده سلطان طرفندن علیهنه وقوعبولان
بعض معاملات ناروایه مبنی آستانەدن تبعید اولندیسە ده بر سنه صكره تكرار
كتوریلە+رك عجمستانده طهماسب قولی خانه قارشو خیمه نشین جلادت اولان
عثمانلی اردوسنه قوماندان نصب ایدلدی مشارالیه بو محاربه+ده دخی اولا نائل
مظفریت اولدیسە ده مؤخراً امدادسز براغلدیغندن (كركوك) جوارنده
ایکی دفعه بوزیلەرق محاربۀ اخیره+ده واصل رتبه شهادت اولمشدر