لغات تاریخیه و جغرافیه

Lugat-ı Tarihiyye ve Coğrafiyye

عثمان پاشا

'Osmân Paşa

عثمان پاشا — یكن عثمان پاشا دیمكله مشهوردر اناطولیده باشنه طوپلادیغی بر الای ارازل اشخاص ایله اوته+ده بروده سلمه السلام كزمكه باشلایوب اكرچه ازاله+سی دولتجه اقدم اموردن عد اولندیسه ده زمانك مساعده+سزلكی موقةً اولسون برردۀ ممانعت چكدیكندن وقت مرهوننده ایشی كورلمك اوزره (١٦٨٧ م و ١٠٩٩ ه) تاریخنده روم ایلی اردوی همایونی معیتنه تعیین اولنمش و مرقوم كلیتلو قپو خلقیله بلغراده وصولنده تغلباً سرعسكرلكنی اعلان ایتمكله اكا دخی طرف دولتدن نظر مسامحه ایله باقلمش ایدی بو اثناده آوستریالیلرك بلغرادی تحت محاصره+یه الملرینه مقابل عثمان پاشانك كبر و نخوتی ایجابنجه بر ایش كورمسی مأمول ایكن برقاچ یوز بیك عسكره مالك اولان او قوجه اردویی بل محاربه الوب كیرویه چكلیویرمسی هركسی حیرتده قومش و قلعه+ده یالكزجه قلان بیچاره عسكر آزلقلرینه بمیەرق یكرمی كون قدر دشمنه مقابله+دن صكره قلعه+یی تسلیمه مجبور اولمشدر پاشای مومی الیه دها بو كبی نیجه وقوعات جسیمۀ هائله+یه سببیت ویروب دولت و ملتی برچوق اضرار ایلدیكی جهتله آخرالامر صوفیه+ده حرباً طوتیلوب اعدام اولندی