عثمان پاشا — (۱۵۸۳ م و ۹۹۱ ه) تاریخنده ایران اوزرینه
سوق اولنان اردوی همایونك سرعسكری ایدی تیمور قپویه و صولنده
طاغستانلیلر ایران طرفنه عرض میلان و شاه محمد جانبندن اللی بیك كشیلك
بر اردو دخی اوزرینه توجیه عنان ایلدیكی حالده شجاعت و مكانت مجبوله+سی
اثری اوله+رق قطعاً فتور كوسترمیوب درت كون دوام ایدن مشهور باش تپه
محاربه+سنده ایرانلیلری محوه یقین بر درجه+ده پریشان ایلدی مؤخراً صادر
اولان فرمان پادشاهی موجبنجه معیتنده بیك كشی اولدیغی حالده قریمه
اینوب بو محاربه+یه كلمكدن امتناع ایدن قریم خانی محمد كرایی ضربۀ عزل
وتأدیبه اوغراتدی اشبو مظفریتلرله درسعادته ورودنده سلطان مراد ثالث
حضرتلری طرفندن بالخاصه یالی كوشكنه دعوت اولنارق ایران فتوحاتی
و قریم وقعه+سی اوزرینه ایضاحات طلب اولمغله او اثنالرده قوللوندیغی
مانوره و تدابیری سویلدكجه ذات شاهانه كمال محظوظیتندن باشنده+کی
اوتاغه+یی و بلنده+كی مجوهر خنجری چیقاروب كندو الیله پاشایه الباس
و تعلیق و خلاصه هیج بر كیمسه حقنده امثالی كورلمامش نعم لاتحصایه غریق
ایدرك اوچ كون صكره دخی ضمیمۀ الطاف پادشاهی اولمق اوزره مسند
صدارتی توجیه ایلدی و ایكی سنه صكره تكرار مأمور اولدیغی عجم سفرنده
وقوع مغلوبیتنه مبنی عارندن ترك حیات مستعار ایلمشدر