عثمان ثالث — ملوك عثمایه+دندر سلطان مصطفای ثانینك
اوغلی و سلطان محمود اولك قرنداشی اولوب (۱۶۹۸ م و ۱۱۱۰ ه) تاریخنده تولد و (۱۷۵۴ م و ۱۱۶۸ ه)ده جلوس (۱۷۵۷ م و ۱۱۷۱ ه)ده
وفات ایلمشدر اصحاب مقاطعات و ارباب زعامت و وظیفه+دن اخذی معتاد
اولان ویركو بونك زماننده عفو اولنمش و فرانسزلر ایله لمانلر و اوستریلولرك
یدی سنه دوام ایدن محارباتنه بو اثناده بدأ ایدلمشدر درسعادتده نور عثمانیه
جامع شریفی مشار الیه نامنه اولمق اوزره یدی سنه+ده یاپلدی بوندن بشقه
مدللوده بر قلعه و ایكی جامع ایله بر حمامی واردر استانبولك ایكی ثلثنی
خراب ایدن مشهور حریق مشار الیهك زمان سلطنتنده وقوعبولمشیدی