لغات تاریخیه و جغرافیه

Lugat-ı Tarihiyye ve Coğrafiyye

عثمان غازی اول

'Osmân Gâzî-yi Evvel

عثمان غازی اول — مؤسس بنیان سلطنت عثمانیە+در پدری ارطغرل) غازی اللی ایكی سنه+دن برو ملوك سلاچقه نامنه روملرله محاربه ایدرك (۱۲۸۱ م و ۶۸۰ ه) تاریخنده وفات ایلدیكندن قبیله+سی ریاستنی عهدۀ استیهالنه آلمشیدی بو دخی والد ظفر مواردی كبی خیلی غزالرده ابراز مأثر موفقیت ایلمسنه بناءً دولت سلچوقیه طرفندن اولا طبل و علم استحصالیله كسب امتیاز و مؤخراً (۶۸۷ ه) تاریخنده قولەجه قلعه+سنی و طومانیج محاربه+سندن صكره قره حصاری الە+رق اوراسنی مقر حكومت اتخاذ ایلدی
بر سنه سكره بیله+جك قلعه+سنی دخی روملرك قوردیغی دسیسه+یه مقابل بر دسیسه غریبه ایله تسخیر و بیله+جك تكفورینك قید اسره كرفتار اولان قزینی اوغلی سلطان اورخانه تنویج ایله (۶۹۹ ه) تاریخنده دولت علیۀ عثمانی+یی تشكیله موفق اولدی
مؤخراً (۷۰۱ ه)ده پای تختنی یكیشهره نقل و (۷۲۶ ه)ده بروسه+یی ولی عهدی شهزاده اورخان یدیله فتح ایلدكدن صكره سنۀ مزبوره ایچنده و یتمش یاشنده سریر نشین سرای آخرت اولمغله مشارالیه اورخان غازی یرینه کچدی نعشی بروسه+ده حصار ایچنده مدفوندر ملوك سلچوقیه+نك انقراضیله انقاضندن تشكل ایدن امارتلرك رؤساسی اولوقت شوتلردن عبارت ایدی
عثمان غازی . قره+سی . صاروخان . ایدین . متتشا . تكه . حمید . قرمان . كرمیان . قسطمونی