عثمان بن عفان رضی الله عنه — ثالث خلفای راشدین
و حضرت عمر رضی الله عنهدنصكره امیرالمؤمنین و داماد جناب سید المرسلیندر
حضرت عمرك وصیتی موجبنجه انتخاب اولنان التی منتخب بنی امیه ایله
هاشمیلر و انصار بیننده+كی اختلافی كورملریله خلافتی ابتدا حضرت علی+یه
تكلیف ایدوب انلر قبول ایتمدیكندن (۶۴۴ م و ٢٣ ه) تاریخنده حضرت
عثمانك خلافتی اعلان اولندی و اوچ سنه مرورنده نیشابوری فتح ایدن
عساكر اسلامیه (دارابكرد) (ارجان) (اسطخر) (طبرستان) ولایتلرینی
دخی صلحاً الوب یوز بیكدن دردر یوز بیك دیناره قدر ویركویه ربط ایتدی
و یوز بیك قدر ایتالیا عسكری طرابلس غربده یكرمی بیك اسلام عسكریله
محاربه ایدوب اسلام مغلوب اولمق رادەسنه كلمشیكن سرعسكرلری (عبدالله
بن زبیر)ك بالذات جنرال (چرچیر)ی قتل ایتمسیله غلبه میسر اولندی
و شام والیسی حضرت معاویه معرفتیله قبریسک نصفی الندی و (۲۸ ه)ده
هراتده اسلام نامنه سكه ضرب اولندی (بو سكه+نك اطرافنده بسم الله
ربی محرر ایدوكی تواریخده مقید ایسه ده انتقه+جیلرك هنوز مشهودی دكلدر)
و روضۀ مطهره+نك اطرافی و حرم مكه توسع و تزیبن و خزینۀ جناب نبوی+یه
درتیوز ملیون درهم قیمتلو مجوهرات و التون وضع اولندی و حضرت
عثمان حجدن كلوركن پرماغنده+كی مهر نبوتی قیویه دوشوروب پك چوق
تحری اولندیغی حالده بولنه+مدی و (۳۱ ه)ده شام والیسی معاویه ردوس
جزیره+سنی آلوب قسطنطنیه اوزرینه عسكر سوق ایلدیسه ده محاصره+یی
اكمال ایدەجك وسائط نقصان اولمقله برابر ذخیره خصوصنده دخی بر خطا
وقوعبولدیغندن فتح میسر اوله+مدی و عبدالله بن سمره سجستانی ایكنجی
دفعه اوله+رق فتح ایتدكدنصكره نواحیء هنده قدر ارخای عنان غالبیت
ایلدی
)٣٣ ه) ده كوفه اهالیسی حضرت عثمانه قرابتی اولان والیلری علیهنه
بر اختلال چیقاردی و حضرت مشارالیه بر مدت سكوت ایدوب صكره
عزل ایتدیسه ده اختلال باصیله+مدی و بصره و مصر و شام اهالیسی
والیلرینك مشارالیهه منسوبیتندن بث شكوایه باشلایوب (٣٥ ه)ده هر طرفدن
مدینۀ منوره+یه طوپلاندیلر و مشارالیهی خلع ایتمك استدیلر ایسه ده حضرت
علی تأمینات اعطا ایلدیكنه بناءً كیرو دوندیلر لكن او اثناده حضرت عثمان
طرفندن علیهلرینه اوله+رق مصر والیسنه یازیلان بر تحریرات مرقوملرل اللرینه
كچمكله یولدن دونەرك ینه مدینە+یه كلوب حضرت عثمانك خانه+سی
اللی كون محاصره ایتدیلر و مشار الیه استعفاسنی ویرمدیكنه بناء كیروب
شهید ایلدیلر مكتوب مزبور كاتب خصوصیء خلیفه مروانك خط
دستیله اولوب حضرت عثمان بوندن بنم خبرم یوق بیورمشیدی هرنه حال
ایسه ایش فوق الغایه كسب اهمیت ایدرك كبرا ایكی طرف اولدی و بر
طرفی حضرت علی كرم الله وجهه+یه بیعت ایدوب حضرت عایشه
و سائولری ایتمدی و حضرت عثمانك قانلی البسە+سی شام شریفه كوندرلدی
و براز صكره جمل وقع+سی ظهوره كلدی
حضرت عثمان عاقل و عادل شفیق و صابر بر ذات اولوب خصوصیله حلم
و حیاده نظیری قدمنهادۀ صحن دنیا اولمامشدر كلام عالیلرندندركه (خیری
درت شیده بولدم برنجیسی نوافل ایله جناب حقه محبت . ایكنجیسی
احكام الیهه+یه صبر . اوچنجیسی تقدیرینه رضا . دردنجیسی حیا) سن شریفی سكسان ایكی+یه بالغ ایدی