لغات تاریخیه و جغرافیه

Lugat-ı Tarihiyye ve Coğrafiyye

عبیدالله احرار

'Abîdullah Ahrâr

عبیدالله احرار — قدوة العارفین و عمدة الواصلین خواجه عبیدالله احرار حضرتلری كه طبقۀ خواجكانك رابطۀ التیام و واسطۀ انتظامی ایدی مناقب علیه+لری كنجیدۀ دهان تقریر و درر مدایح سنیه+لری سنجیدۀ زبان تعبیر اولمسی ممتنعیو مشهور عبد الرحمن جامی حضرتلری بو ذاتدن تحصیل معرفت و تكمیل اسلوب طریقت ایلدی مولد عالیلری (طاشكند) اولوب (۱۴۸۹ م و ۸۹۵ ه) تاریخنده و سكسان طقوز یاشنده جلوه كر عالم دیكر اولمشدر (نماند مرشد راه) كلامی تاریخ وفاتلرینی اشعار ایدر