احمد خان ثانی — دولت عثمانیه+ده یكرمی برنجی پادشاهدر
و سلطان ابراهیم خان حضرتلرینك اوغلی و سلطان سلیمان خان ثانی
حضرتلرینك برادریدر و ولادتی (١٦٤٢ م و ١٠٥٦ ه) و جلوسی (١٦٩٠ م
و ١١٠٢ ه) و وفاتی (١٦٩٤ م و ١١٠٦ ه) تاریخنده+در. مشار الیه
حضرتلرینك مدت سلطنتی اولان درت سنه ظرفنده صدر اعظم كوپریلی
زاده فاضل مصطفی پاشا بلغراد قلعه+سنی استرداد ایلدیسه ده اوستریا و له
و وندیك عساكر متفقه+سی هر طرفدن ممالك محروسه+یه هجومی ارتردی
و اسقلاونیاده واقع (سلانقامین) نام محلده بر بیوك محاربه و قوعبوله+رق ایكی
طرفدن لایعد عسكر تلف اولدی و (آرات) و (یانوه) قلعه+لری الدن
چیقوب پاشای مشار الیه جام شهادتی نوش ایتدی و موستار اهالئ
خرستیانیه+سی اختلال چیقاروب اسلام وطنداشلرینی طرد ایلدی و ساقز
جزیره+سنی وندیك و ایتالیا و مالطه سفینه+لری احراق ایتدكدنصكره دوننمای
همایون یتیشوب سفاین مذكوره+یی دفع ایدرك بش التی دانه+سنی یاقدی والحاصل
سلطان مشار الیهك شو قیصه زمانی كاملاً اضطراب ایچنده كچدی