عبرانی — جزیره+دن فراتی عبور ایدن اولاد سامه یعنی بنی
اسرائیله نام مخصوص اولمشدر حضرت (نوح)ك اولاد و احفادی تکثر
و تفرق ایتدكلری زمان بر طاقمی دخی مصر قطعه+سنه كلوب نیل نهری كنارنده
اسكان و عبری تكلم ایلدیلر لسان عبرانینك (عابر) بن شالح علیه السلام
لسانی اولمسی دخی مأمولدر سلطنت عبرانیه حكام بنی اسرائیل و دولت
اسرائیلیه و یهودیه و بنی حشمنای و هرادسه ناملریله بر قاچ سلاله اوله+رق بیك
یدی یوز بو قدر سنه امتداد ایتمش و اك صكره رومالولرك ایقساع ایلدكلری
محاربات متوالیه+سیله منقرض اولمشدر بر روایتده عرب بائده+دن
وقتیله یمنده ساكن اولان (جرهم) قبیله+سی دخی لسان عبرانی اوزره
تكلم ایدرلرایدی