عبدالملك — ملوك امویه+دن بری و مروان بن الحكمك
اوغلیدر (٦٨٤ م و ٦٥ ه) تاریخنده جلوسنی متعاقب عراقده ادعای
خلافت ایدن عبدالله بن زبیر حضرتلری و حرمین اهالیسی اوزرینه حجاج
ظالم واسطه+سیله انواع مظالم اجرا ایتدی و (٧٠ ه) تاریخنده ایتالیانلر
افریقاده اولان عساكر اسلامیەیی بوزوب برو طرفلره طوغری یوریمكه
باشلادیغندن سنوی قرق سكز بیك دینار ویركو مقاوله+سیله عقد مصالحه+یه
مجبور اولوب بر سنه صكره ینه تخلیص كربان و (٧٣ ه)ده قدسده (صخرة الله) اوزربنه بر قبه یاپدیروب حج شریفه كتمك استیانلرك من بعد
مذكورقبه+یی زیارتله مکۀ مكمەیه اوغراماملرینی شدیداً امر و اعلان ایلدی
وفاتی (٧٠٥ م و ٨٦ ه) تاریخنده+در
مومی الیه جد و حزم صاحبی اولدیغندن كندوسنه معاویۀ ثانی اطلاق
اولنوردی ثبات و مكانتی ایسه نهایت درجه+ده اولوب حتی بر كیجه+ده درت
خبر دهشت انكیز آلدیغی حالده قطعا بشره+سی بیله تغیر ایتمامش و وجود
ویرمامشدر ابتدا ضرب دنانیرایله اوزرینه قرأن كریم تحریر ایدن اشبو عبد
الملكدر كسدیردیكی دینارلرك بر طرفنه (قل هوالله احد) و بر طرفنه (لا اله الا الله) عبارۀ جلیله+سنی و قنغی شهرده ضرب اولندیغنی نقش
ایتدیروب بونی بر طوق ایچنه آلمش و طوقك دیشاروسنه دخی (محمد رسول الله ارسله بالهدی ودین الحق) كلمات منجیە+سنی یازدیرمشیدی
ابتدا فارسیدن عربی+یه دیوان نقل ایدن و منبر اوزرنده اللرینی رفع و عید
فطر واضحی ده اذان احداث ایلیان و بعض روایتده ابتدا کعبۀ مكرمەیه
دیبادن كسوه اورتن و اك اول باشی اوجنده قلیج ایله بر ادم طوردیرن
عبدالملكدر موتنه تحصیل یقین ایتدكده طوغدیغم كوندن بو آنه
كلنجه+یه قدر كاشكی حمال اولیدم دیوب بعده اوغلی ولیده حجاجی وصیت
و (زنهار انك حقنده كیمسه+نك سوزینی اصغا ایتمه و اكرام و انعام ایله تلطیفنه
اهتمام ایله زیرا دشمن اوزرینه سنك قلیجك حجاجدر و سكا بو ممالكی كردنبند
اطاعت ایتدیرن اودر) دیو نصیحت ایتدكدنصكره تكمیل انفاس ایلدی
سنی التمش و مدت حكومتی اون بر سنه اولوب سكز سنه+سی ابن زییره مزاحم
و بقیە+سی بالاستقلال کچمش و اون یدی اولادندن دردی پادشاه اولمشدر