عبدالمجید — مهارت علمیه و سیاسیه و نزاكت جهتیله دولت
عثمانیه+ده كلان پادشاهلرك اك مشهوری اولوب سلطان محمود ثانی حضرتلرینك
اوغلی و الیوم اریكه نشین مسند خلافت اولان سلطان عبد الحمد خان ثانی
حضرتلرینك پدریدر
ولادتی (١٨٢١ م و ١٢٣٧ ه) جلوسی ( ١٨٣٩ م و ١٢٥٥ ه) وفاتی (١٨٦٠ م و ١٢٧٧ ه) تاریخیدر
جلوسنك ایلك سنه+سنده تنظیمات خیریه اعلانیله دولت علیه برقات دها
حصه+مند شری و دول خمسه اتفاقیله مصر غائله+سی بر طرف ایدلدی
و (١٢٥٧ ه)ده محمد علی پاشا بطریق الوراثه مصر والیلكنه نائلیتله
كسب امتیاز ایلدی و (١٢٦٠ ه)ده قرعه ایله عسكر آلنمسنه قرار
ویرلدی و ایكی سنه صكره كردستان اهالیسی حرباً تحت اطاعته الندی
و (١٢٦٦ ه)ده آوستریا ایله روسیه+نك شدتندن فرار ایدن برچوق مجار
بیچاركانی حوزۀ حمایت و صحابت دولت علیه+یه قبول اولندی و (١٢٦٩ ه)ده
قره طاغ غائله+سی و بر سنه صكره قمامه سدانتی مسئله+سندن متحدث روسیه
محاربه+سی ظهور ایدوب روسیه سینوبده بر فیلو عثمانلی دوننماسنی یاقدیسەده
دولت علیه+نك متفقلری اولان انكلتره و فرانسه ایله سیواستپولده آفتدیغی
انهار غالبیت و مظفریت او آتشی سوندردی و ( ١٢٧ ه)ده ممالك دولت
علیه+ده برنجی دفعه اوله+رق ایدین شمندوفری انشا اولنوب بر سنه صكره
قره طاغ محاربه+سنه و مملكتین مصالحنه نهایت ویرلدی و صرپلولر بكلری
علكساندری قره جورجی+یی عزل ایدوب یرینه (میلوش اوپره نویج)ی
انتخاب ایتدكلرندن علكساندری بلغراد قلعه+سنه قاچدی و (١٢٧٦ ه)ده
سوریه+ده درزیلرله مارونیلر بیننده بعض مقاتله وقوعبولوب درزی شیخی (یوسف كرم) اوروپایه فرار ایلدیكندن ایش یاتشدیرلدی و روسیه تابعیتی
قبول ایمیان چركسلر و تاتارلر ممالك دولت علیه+یه هجرت ایتمكه باشلادی
و (١٢٧٧ ه)ده مكۀ مكرمه حرم شریف تعمیراتی اكمال اولندی و درزیلر
شام شریفده ینه بر اختلال چیقاروب بو اثناده خیلی مقاتله و یغما وقوعبولدیغندن
فرانسه و انكلنر دوننمالری و التی بیك قدر فرانسز عسكری بیروته کلوب
و دولت علیه طرفندن دخی فؤاد پاشا كیدوب شام شریفده تشكیل ایتدكلری
مختلط قومیسیونده اختلالی تسكینده قصور ایدن شام والیسی احمد پاشا و بعض
مأمورین ایله ذیمدخل فساد اولدقلری تحقق ایدن ایکی یوز قدر آدمك
جزالری ترتیب اولنوب جزینۀ جلیله بر خیلی تضمینات اعطاسنه مجبور اولدی