عبدالمطلب بن هاشم — جد امجد جناب پیغبری اولوب اصل
اسمی شیبة الحمددر بو نام حین ولادتنده وسط رأسنده كوریلان بر بیاضلغه
مبنی ویرلمشیدی مكه+ده بش یوز ییلدن برو مدفون اولان ماه زمزمی اظهاره
مظهر اولدی و درون بئرده مكنوز دفاین جرهمی چیقاروب باب
كعبه+یه صرف ایلدی اون ایكی اوغلی و التی قزی اولمشدر اكبر ابناسی
حارث و اصغری جناب عبدالله كه پدر عالیقدر حضرت نبویدر مدت
عمری یوز قرق سنەیه بالغ اولوب سن نبوی سكزده ایكن وفات ایلدی
كنیە+سی ابوالحارث و ابوالبطحادر