'Abdülkāhir b. Tâhir b. Muhammed et-Temîmî (el-Bağdâdî)
عبدالقاهر بن طاهر بن محمد التممی — كنیە+سی ابو منصور
مسقط رأسی بغداد وفاتی (١٠٣٥ م و ٤٢٧ ه) یاخود ( ٤٢٩ ه) تاریخنده+در
مومی الیه خراسانده نشر علوم ایدن ذواتك اك مشهورلرندن بری اولوب
اون یدی نوع فنوندن تدریس ایدردی ابتدای حالنده حشمت كامله
و ثروت بالغه صاحب اولدیغی حالده مؤخراً بتون ماملكنی بر مدت قلیله+ده
ارباب علم و حدیثه بذل و انفاق ایدرك بالرضا دوچار فقر و ضرورت اولدی
و نیشابورده ظهور ایدن بر فترت اوزرینه (اسفراین)ه كله+رك وفاتنه قدر
اوراده توطن ایلدی
خیلی تصنیفاتی واردر جمله+دن بری (تكمله) نام كتابدركه دیكر بر اثری
اولمسه بیله كتاب مذكور یالكزجه كندوسنك حائز اولدیغی فضل و كمالی
اثباته كافی اولور