لغات تاریخیه و جغرافیه

Lugat-ı Tarihiyye ve Coğrafiyye

عبدالقادر

'Abdülkādir (el-Cezâirî)

عبدالقادر — جزایرده اوران ولایتنده ماسقاره قبیله+سی شیخی ایكن عربلر بونی متصف اولدیغی شهامت و شجاعته مبنی كندیلرینه امیر نصب ایتمشلر ایدی فرانسزلرك جزایری استیلاسندن صكره كلیتلی عسكر ایله كلوب فرانسزلری كركی كبی پریشان و اون درت سنه قدر كمان جلادت و مظفریتله اعلای نام و شان ایلدیكی حالده (١٨٣٥ م و ١٢٥١ ه) تاریخنده فرانسز جنراللرندن مشهور (لامورستر) یدیله حرباً طوتیلوب ایکی سنه+دن صكره (تافنا) معاهده+سی موجبنجه ینه امارتنده ابقا اولندیسە+ده درت سنه صكره تكرار اخذ و كرفت و فرانسه+ده بش سنه حبس اولندی و مؤخراً یعنی (١٨٤٧ م و ١٢٦٤ ه) تاریخنده طلبیله ممالك دولت علیه+یه كوندریلوب براز مدت بروسه+ده و صكره شام شریفده اقامه ایدلدی الیوم فرانسه طولی طرفندن مقدار كافی قید حیات اوله+رق معاش ویرلمكده+در (ماسقاره) كلمه+سنه دخی مراجعت بیوریله