احمد خان اول — دولت عثمانیه+ده اون دردنجی پادشاهدر
و سلطان محمد خان ثالث حضرتلرینك اوغلی و سلطان عثمان ثانی حضرتلرینك
پدریدر و ولادتی (١٥٨٩ م و ٩٩٨ ه) و جلوسی (١٦٠٣ م و ١٠١٢ ه)
و وفاتی (١٦١٦ م و ١٠٢٦ ه) تاریخنده+در. مشار الیهك ایران شاهی
عباس خان ایله ایتدیكی محاربه+لردن بر نتیجه حاصل اوله+مدیسه ده مجار قرالی
)رودولف) ایله ایتدیكی محاربه+لردن اپیجه فائده كوردی و مغنیسا
و حوالیسنده چوقدنبرو حال عصیانده اولان قلندر اوغلی غائله+سنی بتوردی
و ایاصوفیه جوارنده بناسنه مباشرت ایتدیكی جامع شریفك اتمامنه موفق
اولدی. و روضۀ مطهرە+یه تبركاً بر لوح زرین كوندردی والحاصل زمان
سلطنتی بر معتدل صورتده كچدی.
كنج یاشنده وفاتی معده ضعفندندر. لوح مزبورك اسمی (كوكب دری)
ایدی و اوزرنده سائر مجوهراتدن بشقه اللی بیك التون قیمتنده بر بیوك
الماس وار ایدی