عبدالرحمن ثالث بن محمدالمقتول — اندلس مشاهیر ملوكندندر (٩١٦ م و ٣٠٠ ه) تاریخنده
جلوس و (٩٦١ م و ٣٥٠ ه) تاریخنده وفات ایلدی
غایت عاقل و فاضل دلاور تبعه پرور بر پادشاه معارف اكتناه ایدی مدت
سلطنتی اولان اللی سنه ظرفنده داخلاً و خارجاً هر بر غوائلی سلب و رفع
و انواع وسائط اسایش و مدنیتی ممالكنه جلب و جمع ایله خطۀ اندلسی طرف
طرف شعشعه پاش انوار فیص و شرف ایلدی
حین وفاتنده جیبندن چیقان بر ورقپاره+ده كندو خط دستیله (بن اللی سنه
حكومت سوردم و هر تشبثاتمده نائلیت و هرمقاصدمده موفقیت كوردم لكن بو مدت ایچنده غائله+سز كچن عمرم یالكز اون درت كوندن عبارتدر) كلام رقت انجامی محرر بولندیغندن هركس اوقویوب انكشت بر دهان حیرت اولمشدر
غرناطه+ده التی یوز بیك كتابی جامع اولان مشهور كتبخانه ایله مدینة ازهرا
نامنده بر قصر دلارا یاپدیرمشیدی كه حقیقةً هر ایكیسی ده نوادر روزكار اطلاقنه
سزاوار اثاردن ایدی
اسبو قصرك درت بیك اوچ یوز عدد ملون مرمر ستون اوزرینه مؤسس
اولوب یدی بچق ملیون دیار صرفیله بش سنه+ده اكمال اولندیغی و مشارالیهك
وفاتندن صكره خزینە+سنده بر ملیار عدد التون بولندیغی تواریخده مقیددر