عبدالرحمن بن عبد الكریم بن هوازن القشیری — ائمۀ دین و اعلام مسلمیندن بر ذات اولوب نیشابورده طوغمشدر اصول و تفسیر فرأنی پدرندن و مذهب و خلاف درسلرینی امام الحرمیندن الەرق بونلرده و كرك علم ادب و نظم و نثرده كسب تفوق ایلدی و بغدادده عقد مجلس وعظ و نصیحتله مظهر قبول اولدی لكن مؤخراً مذهب اشعری+یی میدانه چیقاررق بوندن كندو طرفدارلریله حنابله بیننده بر فتنه اویانمغله خلق ایكی فرقه اولوب بری برینی قیرمغه باشلادقلرندن وزر نظام الملك مومی الیهی مطیباً و معززاً وطننه كوندردی بوندن صكره نیشابورده تدریس علوم شریفه و ایراد مواعظ منیفه ایله وفاتنه قدر امرار وقت ایدوب (۱۱۲۰ م و ۵۱۴ ه) تاریخنده وفات ایلمشدر