لغات تاریخیه و جغرافیه
Lugat-ı Tarihiyye ve Coğrafiyye

یهونملکقفغعظطضصشسژزرذدخحچجثتپبا

احمد البخاری
Ahmed el-Buhârî

احمد البخاری — سادات كرامدن و مشایخ نقشبندیه+دن بر بیوک ذاتدر. شیخ آلهی حضرتلری بخارادن دیار رومه عودت ایدركن حضرت مشار الیه دخی اولاد و عیال و املاكنی بخاراده ترك ایدرك برلكده تشریف و سماو قصبه+سنده شیخ مشار الیه حضرتلریله اقامت و برقاچ سنه سلوك بیوردی و بر ارە+لق حج شریفه كیدوب ینه عودت ایلدی و شیخ آلهی حضرتلری روم ایلنه هجرت و اوراده وفات ایلدیكندن حضرت مشار الیه دخی درسعادتده فاتح جامع شریفی جوارنده الیوم تربۀ شریفه+لری اولان محلده اقامت و ارشاد عباده همت بیوردی. بو ذاتك پك چوق كراماتی كورلمشدر حتی وفاتنده غسل اولنور ایكن اوچ دفعه كوزلرینی اچوب غساله نظر بیوردقلرینی و قبره ایندیریلوب یاتیرلدقده همان قبله+دن یكا صاغ طرفلری اوزرینه دوندیكنی حاضر بولنان حفاظ و مریداندن جم الغفیر كوروب بر آغزدن صلاة و سلام كتوردیكی مشهور و متواتردر و یتمش اوچ یاشنده اولدیغی حالده وفاتی ( ١٥١٦ م و ٩٢٢ ه) تاریخنده+در


Daha fazla bilgi için: TDV İslâm Ansiklopedisi "Emîr Ahmed-i Buhârî ile Bursa’da medfun Emîr Sultan (ö. 833/1429) ve İstanbul Unkapanı’nda dergâhı olan diğer bir Nakşî şeyhi Ahmed Buhârî (ö. 994/1586) zaman zaman birbirine karıştırılmıştır. (Kaynak: TDV İslâm Ansiklopedisi)"