عبدالرحمن بن ابراهیم بن سباع — لقبی تاج الدین العزازی
اولوب ابن فركاح دیمكله تعرف ایلمش بر علامۀ جهان ایدی فقهی
ابن صلاح و ابن عبدالسلامدن اخذ و تعلم و علم شریف مزبورده مذهب
شافعی اوزره جمله+یه تقدم ایلدی درسنده بولنمق ایچون شامه
اقطاردن بر چوق كیمسه+لر كلورلر و یمن انفاس تدریسیە+سیله سرحد
مقصوده واصل اولورلر ایدی كرمده مفرط عالی همت صبور
قانع متواضع ادیب لطیف ولین الكلمه اولوب بونكله برابر دین متین
و قیام لیل و عبادت و زهد وورعه ملازمتله شرف یقین صاحبی والحاصل
رتبۀ اجتهاده واصل اولان ذواتك اك ممتاز و سرافرازلرندن بری ایدی
محاسننه نهایت یوقدر و تألیفات و تصنیفاتی دخی اوصاف حمیده+سی كبی
چوقدر (۱۲۹۰ م و ۶۹۰ ه) تاریخنده شامده وفات ایلدی مدفنی الیوم باب الصغیر مقبرە+سنده زیارتكاه خاص و عامدر