عبدالحمید خان اول — سلاطین عثمانیەدن اولوب سلطان
احمد ثالث اوغلی و سلطان مصطفی رابع و محمود ثانینك پدریدر ولادتی (١٧٢٤ م و ١١٣٧ ه) جلوسی (١٧٧٣ م و ١١٨٧ ه) وفاتی (١٧٨٨ م و ١٢٠٣ ه) تاریخیدر اقبالی دون بر پادشاه معدلت نمون ایدی جلوسلرینی
متعاقب روسیه محاربه+سی كسب شدت ایدرك شمنی تحت محاصرەیه الندی
و (١١٨٨ ه)ده معهود قینارجه مصالحه+سی عقد اولنوب تن نهریله اوزی
نهری اراسنده بولنان قلعە+لر و قیلبرون و كرج و ازاق و طیغان قلعه+لری و یكی
قلعه حسب المعاهده روسیه دولتنه ترك و قریمك سربستیسی تصدیق
اولندی و (١١٩٠ ه)ده ایران شاهی كریم خان (منتفك) عشیرتنی اغفال
ایدرك او واسطه ایله بصره حوالیسنده بر طاقم خساراته باشلادیغندن دولت
علیه اعلان حرب ایتدی و روسیه+نك اغفالیله قریم اهالیسی دولت علیه+یه
طرفدار اولان (دولت كرای) خانی قاچیروب یرینه روسیه طرفلیسی اولان (شاهین كرای) خانی اوتورتدیلر و بر سنه صكره روسیه قریمه عسكر صوقدی
و (١١٩٣ ه)ده صیدا والیسی جزار احمد پاشا خودبخود جبل لبنانی حوزۀ
تصرفنه آلدی و فرانسه+نك توسطیله معهود قینارجه معاهده+سی (آیینه+لی
قواق)ده تعدیل و دولت علیه+یه بو زمین ایله شاهین كرایك خانلغی و چركز
ستانك قریمه الحاقی تصدیق ایتدیرلدی و (١١٩٦ ه)ده مشهور جب علی
حریقی اللی درت ساعتده استانبولك همان ثلثاننی یاقدی و بر سنه صكره
روسیه حرباً قریمه كیروب قریم روسیه دولتنك اولدیغنی رسماً اعلان
ولاجل التهدید اوتوز بیك قدر بیكناهی اعدام ایلدی و (١٢٠٠ ه)ده
مصر كوله+منلری بیننده مقاتله وقوعبولدی و بر سنه صكره روسیه طاغستانی
دخی الوب سائر ممالك دولت علیەنك مقاسمه+سنی اوستریا قرالیله سویلشدی
و دولت علیه دخی ایش و كیدیشی اكلویوب روسیەیه اعلان حرب ایتدی
و اوستریا روسیه ایله برلشدی و اسوج دولتی انكلتره و پروسیانك تشویقیله
و مصارفی دولت علیه+دن اولمق اوزره دولت علیه ایله عقد اتفاق و روسیە+یه
اعلان حرب ایلدی