عبدالله یاخود (عبیدالله بن سباء) — غلاة شیعە+دن (مفضله) كروهنك رئیسیدر ذاتأ یهودی بوزمه+سی بر حریف اولوب خلافت
حضرت عثمان ذی النورینده استدیكی قاضیلك النه كچمدیكندن مصره
كیدرك بر مدت اهالی+یی مشار الیه علیهنه تحریك و اغفال و مؤخراً امام علی
كرم الله وجهه حضرتلری حقتده عن قصد فوق العاده اظهار محبتله (انت
الآله) تعبیر ضلالت كواهنی استعمال ایلدیكندن (مداین) طرفنه سورلمش
ایدی حضرت (علی)نك شهداً ارتحالندن صكره ینه بر طاقم ترهات
و تفوهاته باشلایوب (حضرت علی وفات ایتمدی ابن ملجمك قتل ایتدیکی (حاشا) امام علی صورتنده بر شیطان ایدی علی حالا بلوطلرده+در ورعد
آنك صداسی و برق قامچیسیدر علی آخر زمانده كلەجك و احوال عالمی
تنظیم ایده+جكدر) دیه+رك برچوق ساده دلانی اغفال و اضلال و بو صورتله
امت محمدیه بینه بر بیوك تفرقه دوشورەرك موازنۀ دین و شریعتی خیلها
خیلی اخلال ایلمشدر اعتقاد كلمه+سنده (٢٢) نومرویه دخی مراجعت
بیوریله