عبدالله بن محمد بن عبید بن سفیان بن قیس القشیری — اخبار و سیر مصنفلرندن بر ذات عالی بژاتدر كنیەسی ابوبكر اولوب ابن ابی الدنیا دیمكله معروف ایدی (۸۲۴ م و ۲۰۸ ه)ده تولد ایلدی
تألیفاتی یوزی متجاوز و بر روایتده اوچیوزه بالغدر معتضد خلیفه
و اوغلی مكتفی باللهك مربیسی اولوب كل یوم اون بش دینار معاش آلور
ایدی و غایت موثوق صدوق حافظ و صاحب مروت ایدی مع هذا
بر درجەیه قدر فصاحت و بلاغتی دخی وار ایدی كه روایته كوره محفلنشین
معاشرت اولدیغی بر آدمی استرسه كولدیرر و مراد ایدرسه اغلادیر ایدی
بر دفعه قدومنی منتظر بولنان احباسنه كیدە+جكی اثناده یاغمور یاغدیغندن
طرفلرینه شو رقعه+یی كوندرمشدر
انا مشتلق الی رؤیتكم * یا اخلائی و سمعی والبصر
كیف انساكم و قلبی عندكم * حال فیما بیننا هذا المطر
وفاتی (۸۹۴ م و ۲۸۱ یاخود ۲۸۲ ه)ده بغدادده و قوعبولوب شونیزیه
نام محله دفن اولنمشدر