احمد بن محد بن الحنبل الشیبانی — ائمۀ اربعه+نك
دردنجیسیدر و حق عالیلرنده (حجة بین الله و بین عبیده فی ارضه) دینلمش
بر فاضل نادرالوجوددر. بو ذات پك چوق كتاب تألیف ایتدی و امام
ابو قرلید احمد بن ابی الرجا كبی ذوات یتشدیردی و اوچیوز بیكدن متجاوز
حدیث شریف حفظ ایلدی. كتب احادیثدن (مسند احمد بن حنبل)
جمله اثار جلیله+لرندندر.
خلفای عباسیه+دن معتصم زمانتده وزیر ابن ابی داودك میدانه چیقاردیغی
خلق قرآن مسئله+سندن طولایی مشار الیه دخی حضور خلیفه+یه كتوریلوب
قرآن كریمك مخلوقیتنی اقرار تكلیف اولندقده قبول و اقرار ایتمدیكندن اللری
باغلنوب مبارك دریلری یاریلنجه+یه قدر ضرب اولندی و برنجی قامچیده
)بسم الله) ایكنجیسنده (لاحول ولاقوه البالله) اوچنجیسنده (القرآن
كلام الله غیر مخلوق) دیدی و دردنجیسندن (قل لن یصیبنا الاما كتب الله لنا)
آیت كریمه+سنی اوقودی و محضا كرامات علیه+لرندن اوله+رق اللری
چوزلدیكندن درحال براغلدیسه ده اثر ضربدن حاصل اولان ضعف
و سقامدن قورتیله+میوب یتمش یدی یاشنده اولدیغی حالده (٨٥٥ م و ٢٤١ ه))
تاریخنده وفات ایلدی. مشار الیهك جنازه+سنه بغدادده رجالدن سكز یوز
بیك و نسادن التمش بیك كشی حاضر اولمش و یهود و نصارا و مجوسدن
یكرمی بیك كشی اسلامه كلمشدر