لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
عبدالله الصغیر
'Abdullah
عبدالله الصغیر — اندلسده بنی احمر دولتنك صوك پادشاهیدر (۱۴۸۲ م و ۸۸۷ ه) تاریخنده پدری (ابو الحسن) اوزاق بر محلده محاربه ایله مشغول ایكن والده+سی طرفندن اولنان تشویقه مبنی تخته كچوب مؤخراً ابوالحسن یتشدیسە ده (عبدالله الصغیر) طرفدارلری غلبه ایدرك (غرناطه) قلعه قپولرینی قپادقلرندن بیچاره پدر دربدر بر حالده عودته مجبور اولدی فقط (۱۴۸۳ م)ده عبدالله الصغیر سلطنتنی تأمین ایچون اسپانیا قرالیله عقد مقاوله افكارنده ایكن قرال غرناطە+یه كله+رك بالحاریه مرقومی اخذ و كرفت ایدوب زیر تملكنده اولان ممالك اسلامیه+نك اسپانیا دولتی ممالكندن معدودیتی شرطنی قبول و امضا ایتدیردكدن صكره صالیویردیسه ده بو شرط اهالی+یه پك كران كلمكله ینه اختلال داخلی ظهور ایدوب پك چوق قانلر دوكلدی و عاقبت مرقوم عبدالله خلع و طرد اولنوب یرینه عمیسی (الزاغل) اجلاس اولندی حالبوكه آتش اختلال بویله لكله ده مائل انطفی اولمیوب بالعكس دها زیاده كسب اشتعاله و برو طرفدن دخی آوروپا پاپاسلری بتون خرستیانلری اسلام علینه تحریك و اغفاله باشلادیغندن (الزاغل) ایله حكمدار مخلوع (عبدالله الصغیر) معارضه+یی براغوب بر مدت موقته اعدایه قارشو طوردیلرسه ده بر ایش كوره+مدیلر و بو صره+ده عبدالله (الزاغل)ك محاربه ایله مشغولیتندن ینه انتهاز فصتله (الحمرا)یی ضبط ایدوب استقلالنی اعلان و الزاغل دخی محاربه+یی تركله ذاتاً كندو حكمنده اولان (المریه)یه تحویل عنان ایلدی و (۱۴۸۶ م و ۸۹۲ ه) ده پاپاسلرك ثمرۀ نصایحی اوله+رق طوپلانمش اولان قروزادلر دخی (مالقه) شهر جسیمنی عبدالله صغیرك خیانتندن بالاستفاده ضبط ایدوب مالقه+لیلردن اون ایكی بیك اسلامی قیون كبی بوغازلیەرق جسدلرینی احراق ایدوب قصور یكرمی اوتوز بیك مسلمان اسراسنی بعض خرستیان امراسنه و اوروپا زادكاننه اهدا ایلدیلر بو صره+ده آتش غیرتله دلكباب اولان الزاغل اندلس اهل اشلامنك احوال سوزش اشتمالنی ناطق بر قصیدۀ بلیغه انشاد ایدرك دولت علیه ایله مصر و تونس حكمدارلرندن استمداد ایتدیسه ده دولت علیه+نك مصرلیلر ایله محاربه+سی بو امنیە+نك حصولنه مانع قوی اولمغین امداد ممكن اولمیوب فقط دولت علیه طرفندن مشهور كمال رئیس قومانداسیله بر مقدار دوننما كوندرلدیسه ده بو دخی بعض موانعه تصادفی ایتدیكندن عودته مجبور اولدی نهایت (۱۴۸۹ م و ۸۹۵ ه)ده اندلسده واقع (بیضا) قلعە+سی محافظی اولوب (الزاغل)ك یكنی بولنان و مؤخراً خرستیانلغی دخی قبول ایدن (یحیی)نك اهانتی سیئه+سیله اسپانیا قرالی فردینانده ویرلدیكی كبی خائن مرقومك اغفالیله (الزاغل) دخی زیر حكمنده اولان (قادس) و (المریه) قلعه+لرینی قرال مومی الیه تملیك و بر و طرفدن عبد الله الصغیر) دخی قرالی تطییبده اوبرلرینه مسابقه ایتمك اوزره اللی بش ماده+یی حاوی یاپدیغی بر معاهده نامه موجبنجه (۱۴۹۲ م و ۸۹۸ ه) تاریخنده پای تخت اسلامیان اولان (غرناطه) شهر شهرینی بلا محاربه قرال مرقومه تسلیم ایلدیكندن سكزیوز بو قدر سنه+دن برو پایدار اولان اندلس سلطنت اسلامیه+سی بو صورتله محو و منقرض اولدی عبدالله الصغیر لاجل التبریك قرال فردیناندك اردوسنه كیدوب غرناطە+نك انختارلرینی تسلیم ایتدكدن صكره اموال و عیالیله مملكتدن چیقوب كیدركن قرال مرقومك نصل مطنطن الای ایله شهره كیردیكنی و تفرقه و اختلافك نتیجه+سی نره+لره واردیغنی كورنجه و والده+سنك تدابیر طمعكارانه+سندن نلر تولد ایلدیكنی بر كره كوزی اوكنه آلنجه بلا اختیار هونكور هونكور اغلامغه باشلادی و والده+سی دخی مرقومه خطاباً (آغله آغله آ ناموسسز آلچق چونكه وطنكی و سلطنتكی مردانه محافظه ایده+مدك سكا عورتلر كبی آغلامق یراشور) دیو عتاب ایتدی غریبدركه مومی الیه عبدالله الصغیرك كندو تختكاهنی محافظه ایچون بركره اولسون النی ترله+مامش اولدیغی حالده اشبو وقعۀ فجیعه+دن صكره فاس امیری (ملا احمد بن مرین) نزدینه التجا ایدوب اوراده امیر مومی الیهك تخننی وقایه اوغرنده اچیلان بر محاربه+ده مجروحاً وفات ایلدیكی غرائب احوالدندر