عبدالله بن رواحة — شعرای اصحاب كرامدن خزرجی الاصل لطیف القول بر ذات ستوده سماتدر عقبه و بدر و احد و حندق غزالرنده
بولنوب (موته) غزاسنده شهید اولدی علیه الصلاة والسلام افندمزك
اوزرندن دفع اذا ایدن شعرای محسنیندن اولوب اكرچه حسان بن ثابت
و كعب بن مالك دخی شعرای مشارالیهمدن ایدیسه ده بونك هجونده انلر كبی
بین العرب مشهور اولان معایب و قبایحدن بحث اولنمدیغی جهتله اعدا اول
قدر متأثر اولمزلر ایدی بر كون رسول الله صلی الله علیه وسلم حضورنده
عجالةً بر شعر سویلمسنی فرمان بیوردقلرنده عبدالله همان (انی تفرست فیك
الخیر اعرفه . والله یعلم ان ماخاننی البصر . انت النبی و من یحرم شفاعته
یوم الخساب لقد ازری به القدر . فثبت الله مااتاك من حسن . نثبیت موسی
و نصراكالذی نصروا) بیتلرینی انشاد ایتمكله فخرالعالم افندمز حضرتلری
پك زیاده ممنون اولوب (وانت ثبتك الله یا ابن رواحة) بیورمشدر