عبدالله بن ثوب — شام شریفده مدفون كبار اولیاءاللهدندر
شهرتی ابو مسلم الخولانیدر یمن اهالیسندن ایكن شامده داریا قریه+سنده
توطن و (۶۸۱ م و ۶۲ ه) تاریخنده اوراده وفات ایلدی مرقدی الآن
مشهور و معروف اوله+رق زیارتیله تبرك ایدیلور فی الحقیقه كندوسی كار
زهاد تابعین و اعاظم عباد صالحیندن كرامات ظاهره و احوال طاهره
صاحبی بر ذات معالیصفات ایدی
علیه الصلوة والسلام افندمزك بر حیاة بولندقلری اثناده داخل حوزۀ اسلام
اولمش و ابو ادریس الخولانی و سائر معتبران تابعین شام مشارالیهدن نقل
حدیث ایتمشدر اسودالعنسی نام زندیق دعوای نبوت ایله یمن حوالیسنی
اضلاله پاشلادقده مشارالیهی دخی نزدینه كتوردوب حاشا (بنم رسول الله
اولدیغمه شهادت ایدرمیسك) دیدكده ابو مسلم (ایشتمیورم) تعبیریله
دعواسنی تزییف و (حضرت محمدك رسالتنی تصدیق ایدرمیسك) دیمسنه
بلا تردد نعم جواب باصوابنی تردیف ایلدیكندن مشارالنهی آتشه القا ایلر
حالبوكه آتش مشارالیهه هیج بر ضرر ویرمامسی اوزرینه اسودك عونه+سندن
بعضیلری مرقومه (بو ذاتی چیقار یوقسه بزه اتباع ایدنلرك جمله+سنی افساده
بادی اولور) دیملریله اخراج و سییلنی تخلیه ایتمكله ابو مسلم مدینۀ منورە+یه كلور
مدینە+یه ورودی حضرت ابی بكر افندمزك خلافتی زماننه مصادف ایدی
مسجد شریفده اثنای عبادتده حضرت عمر افندمز حالنه واقف اولمسی
اوزریته اغلایە+رق مشارالیهی كندوسی ایله حضرت ابی بكر بیننه اجلاس
ایدوب ) اول الله عظیم الشانه حمد ایدرم که امت محمد صلی الله علیه و سلمدن
حضرت ابراهیم حقنده وقوعبولان فعلک عیننه مظهر بر ذاتی بكا ارائه
ایتدی) بیورمشدر