لغات تاریخیه و جغرافیه

Lugat-ı Tarihiyye ve Coğrafiyye

عبدالله

'Abdullah

)عبدالله — ابو العباس عبدالله بن معتز بن متوكل بن معتصم بن هرون رشیددركه ابن معتز لقبیله شهرت بولدی ادیب نكته+دان و سر دفتر شعرای سخن سنجان ایدی خلیفه مقتدرك خلعنده كندوسنه بیعت اولنوب دأب عباسیان اوزره لقبینی مرتضی بالله ویا غالب بالله یاخود راضی بالله قومشلردر خلافتی بر كون وبر كیجه+یه منحصر قالوب بعده ینه مقتدرك مقام اقتداره كلمسیله چكیلوب تخلیص جان ایچون اختفا ایلدیكی حالده (۹۰۸ م و ۲۹۶ ه) تاریخنده اولدیغی محلدن اخذ و قتل اولندی )كتاب الزهر والریاض) (كتاب البدیع) (مكاتبات الاخوان بالشعر) )كتاب الجواهر والصید) (كتاب الشرفات) (كتاب اشعار الملوك) )كتاب الاداب) (طبقات الشعرا) جملۀ آثار بلاغتشعارندن اولوب بونلردن بشقه دها خیلی اشعار رائقه و آثار فائقه+سی واردر