عبدالله بن احمد بن عبدالله — سر آمدان ائمۀ علومدن اولوب
قفال صغیر مروزی دینمکله مشهور ایدی اكثر كتب فقهده بونك نامی
مسطور و كتب اصول و تفسیر و سائره+ده قفال دیو مذكوردر هرقچن
مطلق اوله+رق قفال ذكر اولنسه مراد صغیردر اكبر یاد اولندیغی
زمان شاشی ایله تقیید اولنور اشبو قفال صغیر خراسان علماسنك مابه
الاقتداسی ایدی علمای مومی الیهمک قسم اعظمی بوندن اجازت آلمشلردر
اوائل حالنده قفال اولوب اوتوز یاشنده تحصیل علمه ابتدا ایلدی اثنای
تعلیم و تدریسده غلبۀ حال ایله اکثر زمان بكا ایدردی طقسان سنه عمر
سوردكدن صكره (۱۰۲۶ م و ۴۱۷ ه) تاریخنده وفات ایلمشدر