عامر — یمن قطعه+سنك جزؤ اعظمی اوزرنده یكرمی طقوز سنه اجرای حكومت ایتمش بر ذاتدر (١٥٠٤ م و ۹۱۰ ه) تاریخنده صنعا اوزرینه دخی سواری و پیاده یتمش بیکی متجاوز عسكر چكه+رك بش
ای منجینق و (عراده)لرله شهری محاصره+دن صكره ید ضبطنه آلدقدن صكره امیری بولنان احمد بن ناصری و اعیان و اشراف بلده+دن سائر برچوق كیمسه+لری صورت شدیده+ده تحقیر و اعدام و مدت حكومتنده بوندن بشقه دها برچوق یرلر فتح ایلدی
مشار الیهك مهمات و خزائن و سیم وزر و مجوهراتی حد احصادن بیرون
و علما و فضلایه حرمت و رعایتی مرتبه+سندن افزون ایدی كندوسی سنی
و شافعی المذهب اولمغله مخالفی اولان زیدی و خارجیلره افراط درجه+ده
عداوت و بونلردن خبر الدیغنی همان اعدام ایله مجازات ایلدیكندن زیدیلر
زمانده كركی كبی مضطرب اولە+رق وقت کچورمشلر ایدی
مشارالیه مؤخراً ملوك چراكسه+دن مصر حكمدارینك یمین حوالیسنه
كوندردیکی عسكره صنعاده مغلوب و اسیر اوله+رق اعدام ایدلمكله ملکی
مصرلیلره كچدیسه ده لكن او اثناده دولت علیه+نك مصری استیلاسی
مصرلیلرك یمنجه اولان نفوذینی دخی محو ایلدیكندن یمن حكومتی دولت
علیه نامنه اوله+رق امام شرف الدینه انتقال ایلمشیدی