عالی پاشا — اصل اسمی محمد امین پدری مصر چارشولی علی رضا افندیدر (۱۸۱۴ م و ۱۲۳۰ ه) تاریخنده دنیایه كلوب بر مدت دیوان همایون قلمنه دوام و تحصیل علوم و معارفه اهتمام ایدرك فتحی پاشا معیتیله ویانه سفارت سنیه+سنه و دیوان همایون ترجمانلغنه و لوندره سفارت و خارجیه مستشارلغی و مؤخراً خارجیه نظارتی وكالتی و بكلكجیلك كبی مأموریتلره و (۱۸۴۷ م و ۱۲۶۴ ه) تاریخنده بارتبۀ وزارت بالاصالة خارجیه نظارت جلیله+سنه و درت سنه صكره مقام صدارت عظمایه تعیین بیورلدی بو تاریخندن تاریخ وفاتنه دكین بش دفعه صدراعظم و برقاچ دفعه خارجیه ناطری اولمش و پك آز وقت معزول قالمشدر فطانت و نزاكت و عفت و استقامت ایله موصوف و شهرتشعار بر مشیر فلاطون افكار ایدی
امور سیاسیه+ده مهارتی دولت علیه+جه و بتون اوروپا دولتلرنجه مشهود و مصدق اولوب كرچه آدم یتشدیرمك خصوصنده خسرو و رشید پاشالر درجه+سنه واره+مدیسه ده اوروپا پولتیقه+سنی پك كوزل اداره ایلمشیدی وفانی (۱۸۷۱ م و ۱۲۸۸ ه) تاریخنده+در