عاد — عوض بن ارم بن سامك اوغلیدر قبیله+سی دخی نامله یعنی عاد اولی نامیله شهرت بولدیسە ده كندوسنك نسلی منقطعدر اشبو عاد اولی قومی حضر موت و شحر و بلاد احقافده متوطن و قر یدیلر ابتدای ظهورلری (۲۵۰۰ خ) تاریخی یعنی میلادك اوچ بیک سنه مقدمی ظن اولنیور مبعوث الیهلری اولان هود نبی علیه السلامک انواع جور و جفایه دوچار و معجزات علیه+لرینی رد و انكاره اجتسار ایلدكلرندن حكمدارلری شداد زماننده (٣٠٤٤ خ) تاریخنده یعنی میلادك ایكبیك بشیوز اللی سنه مقدمنده اون اوچ قبیله خلقی کاملاً غضب الهیه كرفتار و حیاتده قالان سائر قبائل ایسه بأجمعهم تارومار اولدیلر مؤخراًً اشبو قبائل متفرقه+دن اقیال یمن ظهوره كلموب اكرچه بونلر بر مدت مصر طرفلرنده دخی اجرای حكومت ایلدیلرسه ده چوق سورمیوب اورالردنده دفع و طرد اولندیلر