لغات تاریخیه و جغرافیه

Lugat-ı Tarihiyye ve Coğrafiyye

ظهیرالدوله ابراهیم

ظهیر الدوله ابراهم — غزنه ملوكندندر صیف الدوله فرخزادك یرینه پادشاه اولدقده كبار و صغاره حسن معامله و داود سلچوقی ایله یكدیكری ممالكنه تعرض اولنمامق اوزره عقد صلح و مجامله ایلدی (شو حركت ایكیسنك دخی عقل و انصافندن نشأت ایتمشدر زیرا حقیقتی دوشونیله+جك اولور ایسه طمع و غرور و عناددن نشئت ایدن جنکلر اتلاف مال و رجالدن بشقه بر شیئی مفید اوله+مز) اندن صكره عسكرینی طوپلایوب هند ممالكندن اجدادینه فتحی میسر اولمیان برقاچ پاره مستحكم قلعه+لری فتح ایله غزنه+یه عودت و (١٠٧٩ م و ٤٧٢ ه) تاریخنده كذا هندستانده اخود و رونال ناملرنده بر قاچ قلاع متینه+یی دخی اوردۀ قبضۀ جلادت ایلدی بعده هند سرحدلرندن برنده اسكان ایدن بر طائفۀ جسیمه اوزرینه یورییوب ویردیردیكی تلفاتدن ماعدا یوز بیك اسیر اخذ و اسلامه كلنلرینی ممالكه تفریق ایتدی (طائفۀ مزبوره مادیلردن اولوب قدیم الایامده تركستان پادشاهی افراسیاب انلرك اجدادینی اولحوالیده اسكان ایلمشیدی كه انلره اولوقته قدر ملوك اسلامیه+دن هیج بر كمسه تعرض ایتمامشیدی. روایته كوره بونلرك بر قلعه+سنده قطری نصف فرسخ و قعری نامعلوم بر حوض اولوب بتون اهل قلعه صولرینی اورادن الدقلری حالده اصلا نقصانی كورلمز ایدی) و فاتی (١٠٨٨ م و ٤٨١ یاخود ٤٨٢ ه) تاریخنده و سنی یتمش بعض روایتده طقسانی متجاوزدر مشار الیه عالم فاضل عابد عادل صدقاتی كثیر و صاحب رأی و تدبیر پادشاه اولوب رجب و شعبانده صائم اولور و چوق نوافل قیلار ایدی. اوغلی مسعوده ملكشاهك قزینی الدی بو سورده یالكز نظام المك كندو مالندن یوز بیک التون خرج ایتمشدر. ظهرالدین خوشنویس اولوب هر سنه مکۀ مكرمەیه كندو خطیله برر مصحف شریف و خیلی صدقات دخی كوندرردی بر دفعه ملكشاه عسكر جمع ایدوب غرنه اوزرینه متهئ هجوم اولدقده ظهرالدین لطائف الحیله مراجعتله ملكشاهك اعیان دولتنه (معمر اولیكز ملكشاهی اوزریمزه تحریك+ده اصابت ایتدیكز ان شاءالله سزی انك الندن قورتاروب جمله+کزه فوق الغایه اكرام ایدرم) دیوكندوریله ذاتاً متفق ایمش كبی برر كاغد یازوب كوندرر نامه رسان طهیرالدینك تعلیمی اوزره واروب صیدكاهده ملكشاهك كوزینه دوش اولدقلرنده طوتیلوب خیلی اذیتلردن صكره مكتوبلری چقاررلر ملكشاه كورر كورمز دمبسته و حیران هم کیرویه دونر و همده اعیان دولتم بندن روكردان اولمسون دیو كیمسە+یه سررشته ویره+مز
دروغ مصلحت آمیر به ازراست فتنه انكیز