احقاف — یمن ولایتنك جهت شرقیسنده و حضرموت
ولایتنك شمال غربیسنده بر قطعه+در بو قطعه+نك اكثر اراضیسی چول
و قومصال اولدیغندن بو نامله شهرت بولمش و قرأن كریمده ذكر بیورلمشدر.
عربلر شمدی (بحرالصافی) دیرلر و (خبیثه) و )وسوا) قصبه+لرینی
بو قطعه+نك بلاد مشهوره+سندن عد ایدرلر. اطلسلر ایسه (نجران) قصبه+سنی
احقافك بر معروف بلده+سی اولمق اوزره كوسترمكده+درلر (هود) نبی
علیه السلامك قبر شریفی بوراده+در. عرب بائده+دن عاد اولی قبیله+سی وقتیله
بوراده توطن ایتدی و شداد جنتنی بوراده یاپدیروب بوراده باد صرصرله
منقرض اولدی. جامع الفتاوی صاحبی امام ابی القاسم بن یوسف السمرقندینك
دخی احقاف نامنده بر كتابی واردر. و مومی الیهك وفاتی (١١٦٠ م و
٥٥٦ ه) تاریخنده+در.