لغات تاریخیه و جغرافیه

Lugat-ı Tarihiyye ve Coğrafiyye

طیف

Tayf

طیف — شمسك ضیاسی قرانلق اوطە+نك بر كوچك دلیكندن ایچرو آلنوب او دلیكك اوكنه (فلن بللوری)دن مصنوع بر منشور وضع اولندقده ضیای مذكورك بالانكسار خروجنده قوس قزح كبی كوریلان حیالك اسمیدر بو خیال هرنقدر برچوق رنكلردن مركب ایسە ده اك زیاده مشاهده اولنانلری مور . لاجورد . مائی . یشیل . صاری . ترنجی . قرمزی اولدیغندن الوان سبعه اطلاق اولنور بونلرك عرضلری مساوی اولمیوب مور سائرلرندن زیاده و ترنجی اك ازدر ضیاء شمس صودن کچورلدكده و عملی ضیالرده دخی حال بو وجهله+در طیف بعض معدنلرده دخی بولنور