طیبی — اسمی حسن بن محمد بن عبدالله طیبی+در معقولاتده
صاحب معلومات تامه و باخصوص علم عربیت و معانی و بیانده امام علامه
اولوب نشر علوم و معارفه جداً مجد و ساعی و آمال مال و اقبالدن بالكلیه
سالم و عاری ایدی حتی مالك اولدیغی ثروت عظیمه+یی وجوه خیرات
و حسناته بذل و ایثاری سبیله آخر عمرنده فقر و فاقه+یه كرفتار اولدی دائما
عادتی كون ابتداسندن اویله و قتنه قدر تقسیر بعده وقت عصره دکین
حدیث ایله اشتغال ایتمك اولوب اشبو عادت شریفه ختام عمرینه قدر دوام
ایتمشیدی ینه بركون برمتعاد وقت عصرده صلاة نافله+یی ادا ایدوب
اقامت فریضۀ عصره انتظاراً قبله+یه متوجه ایكن روح پاكی واصل سجده+كاه عالم لاهوت اولمشدر
)شرح الكشاف) و (تفسیرالقرأن) و علم معانی و بیانده (تبیان) و (شرح المشكوة) جملۀ اثار لطیفه+سندندر وفاتی (۱۳۴۲ م و ۷۴۳ ه) سنه+سنده وقوعبولدی