طهماسب — شاه اسماعیل صفوینك بیوك اوغلیدر اون
یاشنده تخته جلوس ایلدی بالذات ادارۀ اموره مقتدر اولدقده یعنی (۱۵۲۸ م و ۹۳۵ ه) تاریخنده خراصانه مستولی اولان اوزبكلری بوزوب
بر سنه صکره بغدادی ضبط و فقط ۱۵۳۲ دن ۱۵۳۶ تاریخنه دكین دولت
علیه ایله ایتدیکی محاربه+لرده بغداددن ماعدا وان تبریز و كورجستانك بر
قسمنی غیب ایدوب ایكی سنه مرورنده شیروانی فتح و كشاد و ۱۵۵۴ محاربه+سنده بغداد و فارصك جانب شرقیسنده بولنان ممالكنی دولت علیە+دن
استرداد ایلدی اواخر عمرنده دخی علیهنه قیام ایدن قرنداشلرینی زجر
و تنکیل ایله اوغراشوب نهایت التمش اوچ یاشنه واردیغی حالده ایكنجی
شاه اسماعیلی تخته كچورمک استیان قادینلرك بری طرفندن (۱۵۷۷ م و ۹۸۵ ه) تاریخنده مسموماً وفات ایلدی: