طهران — ایران دولتنك پای تختی و عراق عجم ایالتنک مقر
اداره+سیدر بو شهر البرز طاغی اتكنده و غایت كوزل و صولاق بر صحراده
واقع اولوب یوز قرق بیك اهالی+یی شاملدر انجق هواسی وخیم و صیجاغی
شدید و ثقیل اولدیغی جهنله موسم صیفده اهالیسنك اکثریسی نكارستان
نام محله كیده+رك اوراده چادرلر التنده یاشامغه مجبور اولورلر طهران
خارجاً غایت متین بر سور ایله محاط اولدیغی كبی داخلنده دیكر دها رصین
بر ایكنجی سور ایله دخی محاط اوله+رق عادتا شهر ایچنده شهر تشكیل ایدركه
اشبو ایج شهرده شاهك سرایی و كوزل خاص باغچه+لری بولنور بر طاقم
فابریقه+لری وار ایسه ده اعمالاتدن محروم اولوب یالکز بعض صنایعه مخصوص
تیمور دستکاهلری ایشلمكده+در بو شهر وقتیله افغانیلرك بر صدمۀ تخریبنه
اوغرایوب مؤخراً كریم خان طرفندن اعمار و اقامتكاه اتخاذ اولنمشیدی