احسا یاخود (حسا) — جزیرة العربك جهت شرقیسنده
و بصره كورفزینك جانب غربیسنده واقع نجد قطعه+سنك اقسام
ثلثه+سندن بریدر. بو قسمه (بحرین) و (قسطر) و (جبرین) اراضیسی
داخل اولدیغی حالده بعضاً (بحرین) ولایتی دخی دیرلر. اشبو ولایت
وسیعه+یه خیلی زماندنبرو اهمیت ویرلمدیكی حالده ١٨٦٨ م و ١٢٨٥ ه)
تاریخنده بغداد والیسی بولنان مدحت پاشا خاکپای شاهانه+دن الدیغی امر
اوزرینه خفیف بر قوت ایله كیدوب اهالیسنی تحت اطاعته الدی و قضا
و نوا حیسنه مأمورلر تعیین و ممكن مرتبه نظامه ربط ایتدی. بوكا بعضاً
)لحسا) دخی دیرلر. الیوم مركز اداره+سی (هفوف) شهری اولوب
اسكله+سی حكمنده اولان (قطیف) و (نفود) و (مبرز) و (قاسم) و
)الریاض) بلاد مشهوره+سندندر