طونه — لسان فرانسویده (دانوب) المانجه+ده (دونا او)
لاتنجه+ده (دانوبیوس) یاخود (ایستر) ناملری ایله معروف و مشهور اولان نهر
جسیمدر اشبو نهر باد بیوك دوقه+لغندن ظهور و ورتبورغ و باویرا
و آوستریا و مجارستاندن مرور و صربیه+دن مجارستانی و بلغارستاندن افلاق
و بساربیایی تفریق ایدرك اینوب متعدد بوغازلر ایله قره دکزه دوكیلور
باشلیجه بوغازلری سن ژورژ (خضرالیاس بوغازی) و سولینا (سنه بوغازی) و کیلیا (كیلی بوغازی)در و طول مجراسی ۲۷۹۰ كیلومترودر اسقا و اروا ایلدیکی باشلیجه محللر (سیغمارنژن) (اولم) (رایتسبون) (پاسو) (لنج) (ویانه) (پره+سبورغ) (غران) (پشته و بود) (وارادین) (بلغراد) (سمندره)(ودین) (نیكبولی) (روسجق) (سلستره) (ابرائیل) (قلاص) (اسماعیل) اراضیسیدر
طونه نهرینك جریانی غایت سریع اولدیغندن موافق هواده بر ساعت ظرفنده
یدی كیلومترو مسافه+یی قطع ایدر و مجارستاندن باشلیان ساحللری اوزرنده
واسع بطاقلقلر بولنرر اوزرنده پك آز جسرلری اولدیغی حالده سیر
سفائن زیاده كوجدر موانع طبیعیه+دن ماعدا نهرك مرور ایلدیکی ممالک
حكومتلرینك چیقاردقلری موانع متنوعه+دن ناشی سیر سفائن سکته دار
اولمقده ایدی (۱۸۵۶ م و ۱۲۷۳ ه) تاریخنده روسیه محاربه+سندن صکره
عقد اولنان بر معاهده موجبنجه طونه اوزرنده سیر سفائن سربست براغلدی
و دولت علیه+نك اك زنكین طونه ولایتی (۱۸۷۸ م و ۱۲۹۵ ه) تاریخنده
عقد اولنان برلین معاهده+سی موجبنجه ایکی+یه بولنوب سلسترە+دن یوقاروسی
یكی تشكل ایدن بلغارستان اداره+سنه و اشاغیسی رومانیا حكومت متشکله+سنه
ویرلدی