لغات تاریخیه و جغرافیه

Lugat-ı Tarihiyye ve Coğrafiyye

طوقطاش

Toktaş

طوقطاش — دشت قیپجاق خانیدر امرادن (آیدکوا) نام ذات مشار الیله انفعال ایدرك واروب تیموره التجا و دشت مزبوری دخی تالان و پریشان ایتمک اوزره مزبوری تحریك و اغرا ایلدیسه ده بو تدبیرك پک چوق كمسه+یه مضرتی طوقنە+جغنی درك و ندامت ایدرك تیموری برتقریب آلداتوب یانندن فرار ایتمش و تیمورده بی+رهبر ایلرو كیدیلە+میه+جکنی اکلامغله بشقه جهته توجه ایلمشدر (آیدكوا) تیموردن آیرلدقدنصكره طوغریجه دشت قیچاغه واروب پیدا ایتمش اولدیغی عونه+سیله (طوقطاش) خان اوزرینه اقتحام و طوتوب اعدام ایدرك خانلق مقامنه اوتورمشدر و غایت عاقل بر آدم اولدیغندن مملكتی اعمار و اسباب شوكتی استحصال ایلمشیدی