طوفان — خلقت آدم علیه اسلامدن ۲۲۴۲ باخود ۱۶۰۰ سنه صکره عهد جناب نوح علیه السلامده روی زمینی استیعاب ایدن سیل
مشهوردر
طوفانک زمان ظهوری حقنده چینلور هندلولر فارسلولر و عبرانیلرك یكدیکره
متباین بر طاقم اقوالی وار ایسه ده شایان وثوق و اعتماد دكلدر کذلك
عمومیت و خصوصیتی بحثی یعنی کرۀ ارضی كاملاً استیعاب ایدوب ایتمدیکی
دخی مختلف فیه اولوب اكرچه بونلردن چینلور و هندلولر و فارسلولر طوفان
نوحك كندو مملكتلرنده عدم وقوعنی و فقط كندولرینك طوفان خصوصیلری
وقوعبولدیغنی ادعا ایدرلرسەده بوده صحتنی تأیید ایدە+جك بر استنادکاه
قویدن محروم كورنمكدە+در
طوفان حضرت نوحك مبعوث اولدیغی قومك كمال فساد و طغیاننه مبنی اثر
تلاطم دریای غضب الهی اولمق اوزره وقوعبولمشیدی اثنای ظهورنده
حضرت نوح و متعلقات و معتقدلری مشارالیهك اولجه باوحی الهی تهیئه
بیورمش اولدیغی سفینه+یه كیره+رك بش آی صو اوزرنده طوردقدن صكره
جودی طاغی اوزرینه ایندیلر طوفان اك یوكسك طاغلرك زروه+لرندن
اون بیك ارشون یوقاری چیقدیغی دخی جملۀ مرویاتدندر
)بردوس)ك تاریخنه نظراً طوفان نوحدن اول (آنوش بن شیث) عصرنده
دخی بر طوفان وقوعبولە+رق سكان ارضك همان ثلث مقدارینی تلف ایتمشدر
بوكا و زبورده حضرت داودك یوز دردنجی مزموری اولان اشبو (یارب
سن دریایه حد قویدك اندن تعدی ایتمز و کچوب قرە+یی ارتمز لكن عصیان
بنی آدم و علل كون و فساد عالمدن كاه اولوركه دریا قره+یه یاییلوب بعض
ولایتلری غرق ایدر نته+كم زمان سابقده دفعاتله واقع اولدی) عباره+سنه
نظراً طوفان یالكز نوح علیه السلام زماننه منحصر اولمیوب اول و آخر بر
چوق دفعه+لر سیلا بزدۀ وقوع اولدیغی اکلاشیلور
میلاددن ۱۴۳۴ سنه مقدم دوقالیون طوفانی نامیله یونانستانده بر كوچك
طوفان دها وقوعبولوب خیلی نفوسك تلفنی مؤدی اولمشیدی
طبقت الارض علماسی كرۀ ارضك شمدی+یه قدر كرك حرارت مركزیه واسطە+سیله
داخل ارضدن خروج ایدن مواد ناریه+دن و كرك صولرك ترسیب ایتدیکی
مواددن برچوق اختلال و انقلابه اوغرادیغنی بعض آثار موجوده دلالتیله
اثبات و بیان ایلدكدن صكره كرۀ ارض اك صكره+کی اختلال عظیمدن برو
اكرچه بر حال سكونتده بولنیور ایسه ده كونك برنده دیكر بر اختلال ژئولوژیء جدیدك وقوعی و سلاسل جبال عظیمه+نك ارتفاعیله صولرك
موازنه+سی مختل اولە+رق روی زمینده بولنان حیوانات و نباتاتك تلفنه بادی
اولمسی ظن و احتمالدن بعید برکیفیت دكلدر دعواسنده بولنمقده+درلر