احد — مدینۀ منوره+نك جهت جنوبیسنده و بر ایكی ساعت
بعدنده بر قرمزی طاغك اسمیدر بو طاغ علیه الصلاة و السلام افندمز
طرفندن مظهر مدح و ثنا اولمشدر
هجرت نبویه+نك اوچنجی سنه+سنده رئیس قریش (ابوسفیان) اولجه
وقوعبولان بدر غزاسنده كوردیكی مغلوبیتك اجیسنی چیقارمق ایچون
اوچ بیك كشی ایله جبل مذكور جوارینه كلوب اسلام ایله محاربه
ایتدی و اسلام ابتدا غالب ایكن وقوعبولان بر خطایه مبنی مغلوب اوله+رق
یتمش نفر شهید ویردی. علیه الصلاة والسلام افندمزك عمیسی حضرت (حمزه) رضی الله عنه دخی بو محاربه+ده شهید اولمش و مشجعه اعدادن
بر قاری شهید مشار الیهك جكرینی چیقاروب دیشیله چیكنه+مش و حضرت
پیغمبر افندمزك سن سعادتلری قیریلوب وجه سعادتلری طرمالنمشدر