لغات تاریخیه و جغرافیه

Lugat-ı Tarihiyye ve Coğrafiyye

طوتموزیس

طوتموزیس — میلاددن اون یدی عصر مقدملرنده مصرده سلطنت سورن اون سکزنجی سلالۀ فراعنە+دن اوچ خكمدارك اسمیدر بونلردن میسقرا عموتوزیسك اوغلی اولان طوتموزیس پدری زماننده دفعلری اسبابنه تشبث ایدیلان هیقسوسلری اهالئ مصرك قیامیله قپانمش اولدقلری )اوادیس) نام قلعه+ده درتیوز بیك كشی ایله بعد المحاصره بر معاهده عقدیله دفع ایتدی و هیقسوسلر دخی ایكیوز قرق بیك كشی اولدقلری حالده ممالك یهودایه كیدوب قدس شریفی اعمار و توطن ایلدیلر اوچنجی (طوتموزیس) (۳۹۶۴ خ) یاخود (۳۹۹۴ خ) تاریخنده یعنی میلادك بیك النیوز اوتوز سنه مقدمنده جلوس ایدوب بر طاقم محاربات شدیدە+دن صكره سوریه آثوریا بابل نینوه قبریس كرید و یونانستاتی و بالذات خرطومه قدر عزیمتله حبشستان و بعض بلاد سودان و ارمنستان )و الحاصل یوز اون بش ممالك جسیمە+یی ضبط و اهالیسنی جزیه كذار ایلدی بونك درت ملتدن ویركو الدیغنی و آسیاده صورت مظفریتنی مشعر و مرتسم اولمق اوزره اخیراً بعض طاشلر بولندیغی تواریخده كورلمشدر