طنجه — فاس پادشاهلغنك مشهور شهر و لیمانلرندن بریدر
جبل الطارق بوغازینك غرب جهتنده واقع كمی یتاغی قربنده و فاسك ایكی
یوز كیلومترو جانب شمالیسنده بر بایر اوزرنده واقع اوله+رق اون بیك نفوسی
جامعدر بر عدد پلنقه ایله بر طابیه+سی و بر خراب قصر ایله متعدد اوروپا
قونسلوسخانە+لری واردر منظرۀ خارجیه+سی كوزل ایسە ده سوقاقلری
طار و كیرلی و تجارتی اولدقجه اهمیتلیدر
طنجه+نك رومالیلر زمانندن اول آتنه و یاقارتاجلیلر معرفتیله تأسیس اولندیغی
روایت ایدیلیور رومالیلر دورنده غایت كسب اهمیت ایدرك ایمپراطور
)قلود) طرفندن (ترادوقتاژولیا) نامی ویرلمش و (مورنیاتی تنژینا)نك
مقر حكومتی اولمشیدی مؤاخراًً اسپانیا ویزیغوتلرینك و اسلامك ایادیء
استیلاسنده دوران ایلدیكی كبی (۱۴۷۲ م و ۸۷۷ ه) تاریخنده دخی پورتکیزلره
کچدی بوراسی دردنجی الفونس قاترین نام همشیره+سنك جهازی اولمق
اوزره (۱۲۲۶ م و ۱۰۷۳ ه)ده انکلتره قرالی ایكنجی شارله ترك ایلدیسه ده
انکلیزلر لیمان اغزینه متانت ویرمك ایچون طرح اولنان طاش ییغیننی برهوا
ایتدكدن صكره (۱۶۸۴)ده ترك ایلدیلر فاسلیلرك استیلاسی او زماندر (۱۸۴۴ م و ۱۲۶۰) تاریخنده فرانسزلر طرفندن دخی طوپه طوتلمشیدی