طمشوار — مجارستانده بر مستحصن شهر اولوب الیوم بو نامده+کی
قومیته+نك مرکز اداره+سیدر بو شهر (ته مه س) ایله (بغا) نهرلری اوزرنده
و (بود)ك جهت شرقیه و جنوبیە+سندن اوچ یوزاللی و (په+تر) و اردینك
جهت جنوبیه و شرقیە+سندن یوز اون كیلومترو بعد و مسافە+ده واقع اوله+رق
یكرمی یدی بیك اهالی+یه حامعدر روم و قتولكلره مخصوص برر پسقپوس
محلی و باناز حدودینك مترالی مقامی و عدلیه محكمە+سی و مكتب و مناستر
و مدرسۀ رهبانیه و غوتیك شكلنده كوزل بر باش كلیساسی و شهر مسافر
خانه+سی و ایپك و چوقه و توتون فابریقه+لری واردر شهر مذكور بلغارستان
قدیم قراللری طرفندن انشا اولنوب (۱۵۵۱ م و ۹۵۹ ه) دن (۱۷۱۶ م و ۱۱۲۹ ه) تاریخنه قدر دولت علیه اداره+سنده قالمشیدی (۱۶۶۲ م و ۱۰۷۳ ه) تاریخنده بوراده دولت مشارالیها ایله اوستریا بیننده بر معاهدۀ صلهیه عقد اولنمشدر
طمشوارك عموم مساحۀ سطحیه+سی طولاً ۱۴۰ و عرضاً ۶۵ كیلومترودن
و مجار و راسیەن و الاق و الماندن مركب اولمق اوزره كافۀ اهالیسی ایكی یوز
التمش التی بیك نفردن عبارتدر