) طلیطله شمدیكی نامی (تولید) — الیوم اسپانیانك قستل
جدید ایالتی داخلنده و (تاژ) نهری اوزرنده بو نامله معروف بر ایالتك كرسیء
اداره+سی اولوب مادریدك جنوب غربیسندن التمش بر كیلو مترو مسافە+ده
واقع و اون بش بیك نفوسی جامعدر قدیم بر دارالفنونی وار ایكن (۱۸۴۵ م و ۱۲۶۲ ه)ده لغو اولندی داخلاً چركین و سوقاقلری طار و اکری
بوكری اولدیغی كبی اکثر یری خرابه زار اولوب مع مافیه كنیش بر باش كلیساسی
و عربلردن قلمه قدیم بر سرایی و بونلره مماثل بعض كوزل ابنیه ایله مشهور
سلاح فابریقه+لری واردر
بو شهر اصلاً فنیكه+لورك اثارندن اولدیغی ظن اولنیور رومالیلر بو شهره
مهاجر نامی ویرمشلرایدی (۵۵۴ م) تاریخندن اعتباراً غوت قراللری طرفندن
مقر اداره اتخاذ ایدلدیکی حالده (۷۱۴ م و ۹۶ ه)ده عربلر ضبط ایدوب (۱۰۸۴ م و ۳۷۷ ه) تاریخنده دردنجی الفونس طرفندن استرداد اولندی
)تولید ایالتی) شمالاً مادرید و (غادالاسكارا) ایالتلری غرباً (قاسەرس)
شرقاً و جنوباً مانش دكزی ایله محدود بولنور شرقدن غربه طولی ۲۰۷
و عرضی ۹۷ كیلو مترو اولوب أوچ یوز قرق بیك نفوسی جامعدر
اراضیسی طاغلق ایسه ده منبت و محصولدار و آری و ایپك بوجکی و بعض
صنایع مشهوره+سی واردر
)پیر تولید — اسپانیا جزاللرندن بری اولوب (۱۵۱۲ م و ۹۱۸ ه)ده
)ناوار) و فلامانلرك (شارل كن) علیهنه یاپمش اولدقلری محارباتده تمیز
ایدرك ١٣٢ تاریخنده ناپولیده قرال وكیلی تعیین اولنمش و یهودیلر علینه
شدتی پك زیاده اولدیغندن زیر ادارە+سنده+كی ممالكدن جمله+سنی طرد و تبعید
و انكیز سیونی تأسیس ایلش ایدی